劉青雲與張家輝兩位影帝，夥拍影后林嘉欣拍攝賀歲電影《廉政風雲 煙幕》。兩帝一后的卡士日前接受訪問，戲中劉青雲跟林嘉欣飾演夫妻，感情出現問題，兩人第一日碰面，埋位就要鬧交，林嘉欣說：「嗰場戲令我好有感覺，心情都好複雜，佢懷疑我嘅工作能力，但我又要去澳洲，坐飛機前有嘢唔開心，我要回頭望佢，佢喺露台目送我時，心係關心我，把口死都唔認。」
青雲直言與嘉欣的鬧交戲，是按劇本要求而拍：「係兩公婆陰陰濕濕篤對方，明知講呢啲你實嬲，現實中我好少鬧交，通常係一個講另一個唔講，我係講嗰個，睇個樣都知啦﹗」林嘉欣則希望吵架時，每次也贏：「但唔係次次成功，有時都要say sorry，做人老婆喺適當時候都要溫柔。」張家輝則是和平使者，不願有爭執：「我覺得最好唔好鬧交，就算自己唔啱，過兩日自己扮冇嘢，其實我啱㗎嘛大佬！我就做呢個角色。幾十歲人仲鬧乜，再鬧就係嗰啲七旬老公老婆互撼。」
與嘉欣爭執的，還有張家輝，他笑言跟林嘉欣今次合作有很多火花，戲中經常被林嘉欣打，與這個最強對手鬥演技，笑言難應接。不過家輝表示今次演員身份與嘉欣合作，感覺很輕鬆：「上次我做導演、佢做演員，戲內戲外都冇乜嘢好傾，打個招呼就埋位，但係我今次做演員就開心好多，大家傾吓偈了解一下，食啲嘢。」殊不知嘉欣笑說：「我哋去咗澳洲拍咗一個月外景，呢一組好健康，星期一至五拍完，星期六、日就休息，我梗係把握時間周圍去，開頭諗住同佢交流，點知佢放假就匿喺間房，好悶，唔同佢玩。」